Welcome To Kashmirizaban

پرٮ۪ٚتھ کانٛہہ قوم یا سماج چُھ پننہِ زَبٲنۍ سۭتۍ پَرزٕناونہٕ یِوان ـ (کٲشُر)چُھ کٲشرِ قومٕچ زَبان ـ تٲریٖخی لِحاظہٕ ییٚلہِ وٕچَھو کٲشِر زبان چھِ سٮ۪ٹھاہ پرٲنۍ زبان ۔ تٲریٖخی حوالو کنۍ چُھ امیُک پَے جیا پیڈا سٕندِس وقتس تام میلان تہٕ کیٚنژَو لِسٲنی شہادتَو کِنۍ چُھ باسان زِ یہِ چِھ ڈایہ پٮ۪ٹھہٕ ترےٚ ساس ؤری پرٛٲنۍ ـ
کٲشِر زَبان چھَ ریاست جموں و کشمیٖر کِس کشمیٖر صوبَس منٛز بولنہٕ یِوان۔ کٲشِر زبان چھےٚ ترٮ۪ن بولنہٕ کٮ۪ن قٕسمَن منٛز تقصیم کرنہٕ آمٕژ۔ یِمَن زَن مَراز، کامراز، تہٕ یَم راز ونان چھِ۔ یِمَن قٕصمَن چھےٚ پانہٕ وٲنۍ واریاہ کم فَرَق۔ یَم راز یۄسہٕ زَن سرینَگرَس منٛز بولنہٕ چھےٚ یوان چھَ کتابہٕ ،اخبار، رسالہٕ بیترِ لیکھنَس منٛز استعمال کرنہٕ یوان۔
کٲشِر زبان ٲس گۄڈٕ شارداہ تحریرَس منٛز لٮ۪کھنہٕ یوان مَگَر وۄنۍ چھےٚ یہِ PERSIO ARABIC تحریٖرَس منٛز لٮ۪کھنہٕ یوان تہٕ یَہوے تحریٖر چھُ کتاب ،اخبار، رسالہٕ بیترِ لٮ۪کھنَس منٛز استعمال گَژھان۔ بیاکھ تحریٖر چھُ DEVANAGRI یُس زَن کینٛہہ کٲشِرۍ پنڈِت وُنہِ تہِ کتابہٕ لیکھنَس منٛز استعمال کران چھِ۔
کٲشُر کمپیوٗٹرَس پٮ۪ٹھ لٮ۪کھنہٕ خٲطرٕ اوس وٕنیُک تام صِرف اِن پیج سافٹ ویرُک اِستعمال کرنہٕ یِوان ییٚمہِ کہِ وَجہ سۭتۍ أسۍ ٲسۍ نہٕ کٲشُر ہیکان کمپیوٗٹرَس پٮ۪ٹھ پورٕ پٲٹھۍ لیکھِتھ۔ مَگَر وۄنۍ چھُ امہِ خٲطرٕ با ضٲبطٕ اکھ فانٛٹ بناونہٕ آمُت یَتھ زَن آفان (AFAN)ناو چھُ۔ یہِ چھُ کٲشرِ زبانہِ خٲطرٕگۄڈٕ نیُک فانٛٹ تہٕ اتھ بہتَر بناونہٕ خٲطرٕ چھےٚ کٲم وُنہِ تہِ جٲری۔ تہٕ یِہوے فانٛٹ چھُ ییٚمہِ وٮ۪ب سایٹہِ (WEB SITE)خٲطرٕ تہِ استعمال گَژھان۔

Home